Spika wa Bunge la Jamhuri ya Muungano wa Tanzania, Job Ndugai amejibu tuhuma za mbunge wa Arusha Mjini, Godbless Lema na kumtaka asipotoshe wananchi bali apeleke malalamiko yake kwenye kamati.
Ameyasema hayo hii leo bungeni mjini Dodoma alipokuwa akiendesha kikao cha bunge, na kusema kuwa bunge lina utaratibu wake kwenye kila jambo linalohusika bungeni hapo hivyo malalamiko yote yanatakiwa yapelekwe kwenye kamati.
“Lema asipotoshe wananchi aende hadharani kwenye kamati kuzungumzia hayo, bunge haliwezi kusimama kwa shambulio la Lissu bali kanuni zinasema mbunge akifariki bunge linasimama kwa siku moja. na iwapo Spika akiletewa jambo la maadili linapelekwa kamati ya maadili, suala la jinai linapelekwa polisi,” amesema Spika Ndugai
Aidha, Ndugai amesema suala la Tundu Lissu kuchangiwa fedha za matibabu na wabunge wakati yeye alitibiwa nje ya nchi ni kwamba matibabu ya Tundu Lissu yameenda kinyume na utaratibu wa bunge.
-
Watu wawili wauawa na jeshi la polisi
-
TCRA yaja na mwarobaini kudhibiti wapotoshaji mtandaoni
-
Pasipoti za kielektroniki kuzinduliwa rasmi
Hata hivyo, jana mbunge wa Arusha Mjini, Godbless Lema alimlaumu Spika Ndugai kuwa anashindwa kutetea kiti chake, kwa kuzidi kuwakandamiza wabunge wa upinzani hususani suala la kupigwa risasi kwa Tundu Lissu.
